Ipagbunyi ang taong mapagpalaya,
Patunugin ang tambuli ng galak
Gawing banal ang sansinukuban
Sa kagandahang-loob Niyang dumatal.

Kalagan ang lahat ng mga bihag,
ang inusig ng makapangyarihan
O bayan ng Diyos ay palayain
sa mga bisig ng gahaman

KORO
Bayan, buong siglang ipahayag ang pagparito ng Diyos nating dakila.
Pag-ibayuhin ang ginhawang dulot ng balitang mapagpalaya.

Tumungo tayo sa lupang pangako at kapit-bisig tayong maglakbay.
Katarungan ni Yahweh, itaguyod laban sa panlilinlang.
Puksain ang ugat ng pagkabulag at durugin ang mga tanikala.
Ipahayag na ngayon ay mamamayani, kagandahang-loob ng Diyos.

(KORO)