I
Sa sandali ng aking pagkalito
Sa ingay ng aking mundo
Tinig Mo'y iparinig
Nang mapawi ang ligalig

II
Sa sandali ng aking pagkabigo
Nang mawasak ang loob ko
Dumating man ang dilim
Pag-ibig Mo'y dama pa rin

Koro
Papanatag ang pusong naghihintay
Haharap sa hamon ng buhay
Ang landas lilinaw sa 'Yong paggabay
Ikaw ang pag-asa
Sa 'Yo magtataya't
Magtitiwala

III
Sa sandali ng aking pagkatanto
Mananatili't aasa sa 'Yo
Papayapa ang loob
Bago ang sigla't rubdob

Koro 2x